Giljaland - skógræktabýli.

Giljaland er nýbýli úr landi Grafar. Jörðin er 140 hektarar, snýr móti suðvestri og er að hluta til vaxið víði og birkikjarri. Skógræktin er að mestum hluta þar sem ekki vex náttúrulegt kjarr. Byrjað var að gróðursetja hér 1979 þegar Skógrækt ríkisins fékk leyfi til að planta stafafuru í u.þ.b. 2 hektara og síðan annað eins níu árum seinna. Þessi reitur er nú orðin að myndarlegum furuskógi þar sem meðalhæðin er um 11 metrar. Búið er að grisja elsta hlutan tvisvar, viðinn úr seinni grisjun höfum við nýtt til margvíslegra smíða innanstokks sem utan. Eftir að við keyptum jarðarhlutann og byrjuðum að gróðursetja 1995 höfum við gróðursett meira en 100.000 skógarplöntur, mest stafafuru og sitkagreni en einnig birki, elri, reynivið, ösp, fjallaþin, lerki og jafnvel álm og eik.